3 fanm nan peyi Salvadò ki te pran prizon apre yo te fè operasyon ann ijans pandan yo te ansent e ke lajistis te pouswiv daprezavwa yo ta fè dilatasyon, rejwenn libète yo apre te fin pase plizyè lane nan prizon, akoz lwa sevè kont dilatasyon nan peyi Amerik Santral la.
Tou le 3 medam yo te nan prizon pou asasinay envolontè agrave, e yo te pase 6 zan, 8 an, ak 13 an dèyè bawo, dapre Asosyasyon Sitwayen Kont Kòd Penal sou Dilatasyon an, ki anonse liberasyon yo.
Morena Herrera, ki se yon responsab asosyasyon an, te benefisye yon chanjman nan santans yo a, san di ki nouvo santans yo te genyen.
3 medam yo, Karen, Kathy ak Evelyn, te kontan rejwenn libète yo e yo reklame libète pou 14 lòt fanm ki nan prizon nan Salvadò pou menm rezon an, dapre Ajans France Presse.
Plizyè òganizasyon pou defans dwa moun ap mennen yon kanpay, antwòt sou rezo sosyal yo, sou non #altanlas17 pou mande jèn prezidan an, Nayib Bukele, pou l entèvni pou reklame liberasyon yo.