Sekretè Deta ameriken an, Mike Pompeo, twouve li nan Arabi Sawoudit kote obsèvatè yo espere li pral mande jistis pou jounalis sawoudyen Jamal Khashoggi ki te mouri asasinen nan peyi Tiki.
Chèf diplomasi amerikèn nan te debake nan Riyad, kapital Arabi Sawoudit, nan jounen dimanch 13 janvye 2019 la aprè yon vizit nan Katar. Ajanda vwayaj sa a prevwa Misye Pompeo ap fè chata-tande sou Yemèn, Iran avèk Siri. Pou plis presizyon, otorite yo nan Riyad swete abòde avek li plan Lèzetazini genyen pou l wete twoup militè li yo nan Siri; yon reterè ki, daprè anpil lidè sawoudyen, pral genyen konsekans negatif. Pa egzanp, selon yo, sa ka ofri okazyon pou Larisi ak Iran ranfòse enfliyans yo sou peyi a san bliye yon chans pou Prezidan Bashar al-Assad sere grapen li plis toujou sou Siri.
Plis detay ak Lyonel Desmarattes depi sal dè nouvèl Lavwadlamerik la nan Washington.
Your browser doesn’t support HTML5
Vizit Sekretè Deta Mike Pompeo ann Arabi Sawoudit