Deklarasyon sa-a ogmate anje pou yon pi gwo konfwontasyon eklate ant Larisi ak pwisans oksidantal yo, swa kek jou apre prezidan Etazini Joe Biden ak Prezidan Ris Vladimir Putin te finn fe yon rankont vityèl ki dire plis ke 2 zèdtan ki te vize evite yon kriz ki tap devlope tikras pa tikras.
Kriz sila gen arevwa ak deplwaman sòlda toupre fwontyè Ikrèn-nan, kote, yo estime Kremlin an te rasanble anviwon 100,000 twoup.
Menas vis-Minis Zafè Etranje Sergei Ryabkov fe a, vini nan mitan yon ké-sote komkwa Prezidan Putin ap konsidere yon envazyon militè nan Ikrèn apre aneksasyon preskil Krime-a an 2014, kote Larisi te sezi yon kokenn posyon nan rejyon Donbas la nan lès Ikrèn, tou pre fwontyè Larisi.
A Russian army soldier takes part in drills at the Kadamovskiy firing range in the Rostov region in southern Russia, Dec. 10, 2021.
Pandan yon kout telefòn lendi, premye minis britanik la Boris Johnson lanse avètisman bay prezidan Ris la Vladimir Putin pou di " sizoka ou poze yon aksyon menmjan ak sak te fet an 2014-la, sa pral genyen konsekans grav," e ke nenpòt aksyon Larisi pran pou'l destabilize kontinan, enben, li pral fè fas a ak yon reyaksyon ini bo kote peyi oksidantal yo.