MOSKOU —
Sitwayen odinè Ris yo santi doulè sanksyon l'Oksidan enpoze kont LaRisi poutèt envazyon li te fè nan Ikrèn, pami yo sistèm peman ki pa opere, pwoblèm pou jwenn lajan kach epi difikilte pou ache kèk pwodwi.
Dè douzèn konpayi etranje ak entènasyonal rale biznis yo soti la Risi.
Met sou sa, Etazini ak l'Oksidan frape La Risi ak sanksyon moun poko janm wè anvan tèlman yo kouvri anpil aspè lavi e yo sevè.
Ris nan Moskou ak lòt vil ki pale ak ajans nouvel Associated Press sou kijan mezi sa yo afekte lavi kotidyèn, lonje dwèt sou pwoblèm pou yo konvèti roub an lajan etranje, moun yo ret nan gwo liy ap tann machin (ATM) bank yo epi kèk kat bankè ki pa fonksyone ditou.
Pri manje, dapre kèk biznis monte 17 wotè tou.