LOS ANGELES —
Reyalizatè seremoni remiz pri Oscar yo, Will Packer, fè konnen lapolis Los Angeles te pare pou arete Will Smith apre li te souflete Chris Rock pandan seremoni an, Dimanch pase a.
Nan yon entèvyou ak emisyon televizyon Good Morning America Jedi, Packer di lapolis te rele ensidan an yon krim battri e yo te bay Rock plizyè opsyon.
Sepandan, Packer di Rock pat vle pran okenn mezi.
Nap raple ke Smith te monte sou sèn Teyat Dolby a Dimanch epi li te bay Rock yon kalot apre misye te fè yon blag sou madanm ni, Jada Pinket Smith.
Smith prezante eskiz li bay Rock nan yon deklarasyon li pibliye Lendi.
Akademi a, ki jere seremoni remiz pri Oscar yo te rankontre Mèkredi pou diskite sou mezi disiplinè li taka pran kont Smith.