Jistis

Afrik: 2 Rapè Repiblik Demokratik Kongo Ka Pran 2 Jiska 10 Zan Prizon Paske yo Kritike Chèf Leta a

Des artistes de rap se réunissent pour une réunion afin de discuter de la manière de s'impliquer dans la politique à Kinshasa, en République démocratique du Congo. (C. Oduah/VOA)

Vandredi nan yon tribinal militè, yo te kondane de rapè yo pou yo pase 10 zan nan prizon paske yo te kritike chèf leta a avek lame peyi a, nan yon chante kote yo te repwoche prezidan Félix Tshisekedi ansanm avek lame peyi a, paske yo te pwomèt ke yo tap mete yon fen nan vyolans yo nan lès peyi a.

Katembo Delphin alyas Idengo, ki gen 32 lane, te resevwa santans ki pi gwo a, swa 10 zan prizon, apre yo te kondane'l paske li te kritike lame RDC a. Lajistis deklare tou ke li ap eseye demobilize lame a.

Muyisa Nzanzu Makasi ki gen 33 lane, bò kote pa li te kondane a 2 zan prizon nan menm tribinal militè sa ki nan Goma (kapital Nò Kivu) paske li te kritike chèf leta a.

Fanmi de mesye yo ki te vin asiste lekti jijman an, pete kriye. Avoka Defans yo te anonse imedyatman ke yo pral fè apèl ak desizyon sa.

Nan odyans lan Idengo te di "li toujou kenbe pawòl li ke li te chante yo". "Avèk nou nan Beni, nou touye moun chak jou depi 2014".

Muyisa, bò kote pa l, sonje lè li te nan yon kanpay elektoral, Prezidan Félix Tshisekedi "te pwomèt pou mete fen nan masak yo" men, li di, "pa gen anyen ki chanje".