Dokiman an te pibliye apre yon reyinyon ke Konsèy Sekirite Nasyonal Mezon Blanch lan te òganize. Nan reyinyon sila yo pa t envite Larisi ak Lachin, paske anpil savan te konsidere de peyi yo kòm peyi ki pa fè anyen pou konbat kominote pirat la.
Washington ap chèche yon fason pou pi byen kowòdone repons atak "Rançongiciels" ki te ogmante anpil nan dènye mwa sa yo.
Delegasyon yo "rekonèt" enpòtans yon kowoperasyon entènasyonal sou sijè sa, ki gen ladann pou yo pataje enfòmasyon ki gen rapò ak aktivite sispèk oswa tranzaksyon finansye ki ka lye ak atak "Rançongiciels" .
Atak sa yo gen ladann pirate ki ap bloke rezo òdinatè ak tout done ki ladan yo, epi yo negosye pou mèt rezo a peye yon ranson pou debloke sistèm lan.
Gwoup la angaje tou nan "pataje sa yo aprann epi ki pi bon pratik pou yo itilize kont pirat yo". Peyi ki enplike yo planifye tou pou yo travay ak konpayi prive yo, an pati pou ankouraje yo pataje enfòmasyon sou ensidan ke yo genyen lè sa rive yo.
Nan kòmansman mwa me, pirat te atake konpayi Ameriken an "Colonial Pipeline", kote sa te deranje distribisyon gaz la nan peyi Etazini. Otorite yo te peye $4.4 milyon dola, kòm ranson.