WASHINGTON, DC —
Prezidan Etazini an, Donald Trump, telefone chèf deta afriken premye fwa lendi 13 fevriye 2017 la , kote li te pale ak Prezidan peyi Nijerya Muhammadu Buhari ak Prezidan Afrik di Sid Jacob Zuma.
Dapre Nijerya ak Afrik di Sid, apèl yo te fèt sou demand prezidan Etazini an ki preske pat pale de Afrik ni de sijè ki konsène Afrik depi li te koumanse manda li mwa 20 janvye pase a.
Biwo prezidans la nan Nijerya fè konnen prezidan Trump ak Buhari te pale de aktivite teworis, e biwo a fè konnen tou Mesye Trump te asire Msye Buhari ke Etazini pare pou l fè yon nouvo antant kap ede Nijeria "nan zafè zam militè."