Prezidan ameriken an, Donald Trump, fè konnen li vle pou Kou Siprèm Lèzetazini an rann yon jijman rapido-presto pou retabli entèdiksdyon vwayaj ki vize 6 peyi a majorite mizilman, kote atak teworis dewoule deja.
Nan yon seri deklarasyon premye sitwayen ameriken an fè sou kont Twitter li a, li atake depatman jistis administrasyon li an deske li soumèt bay pi gwo tribinal peyi a yon vèsyon redui nan arete prezidansyèl ki korèk politikman.
Entèdiksyon vwayaj la afekte sitwayen peyi Iran, Siri, Libi, Soudan, Yemen ak Somali. Lokatè mezon blanch la di depatman jistis la te dwe mentni vèsyon orijinal dekrè ki te gen Iral ladann tou. Mesye Trump kontinue pou'l di sou kont Twitter li a:
"De tout fason nap mennen yon envestigasyon anpwofondi sou pasaje kap antre Ozetazini, paske tribinal la baze desizyon yap pran sou pilitik, e yo pran twòp avan pou emèt yon vèdik sou kesyon an.