Prezidan Donald Trump ap gade pou l wè si l ta remete administrasyon li an sou ray aprè yon semen difisil avek yon rasanbleman ki vize reyini patizan li yo madi 22 out 2017 la nan Phoenix nan eta Arizona.
Mesye Trump ap eseye depase litij ki te soulve anpil pale-anpil semèn pase a lè li te lage responsablite a sou do manifestan nan tou 2 pati yo pou vyolans nan yon pwotès blan nasyonalis yo te pwovoke nan Charlottsville nan eta Virjini.
Prezidan Chanm dè Reprezantan an, Paul Ryan, te deklare lendi 21 out la ke Trump te ka fè mye avek respons li te bay pou sak te pase nan Charlottesville la.
Mesye Ryan deklare: "Mwen kwe prezidan an fè yon gaf nan kòmantè li yo --- li te sonnen tankou li manke prezisyon moral." Paul Ryan te pale konsa nan yon ti koze anba tonèl nan CNN.