Prensès Japonèz Mako deklare li pral "mache men-nan-men" ak mari li apre li te marye ak misye san okenn selebrasyon ofisyèl. Maryaj sa a ant prenses la ak Kei Komuro, yon senp sitwayen Japonè soulve anpil pale anpil nan peyi Japon.
Mako pèdi stati wayal li lè li marye ak Komuro. Koup la pral viv nan Nouyòk siti kote misye te etidye dwa.
Maryaj yo te ranvwaye pou 3 zan akoz yon kont ki te pete ant manman misye ak koup la pou kestyon lajan.
Ansyen Japonez Mako ak nouvo mari li Kei Komuro ki se yon senp sitwayen Japone nan vil Tokyo, 26 Oct. 2021.
Palè Japonè a rekonèt anpil moun pa finn twò kontan ak maryaj sa a. Palè a di Mako te soufri ak anpil strès akoz pakèt kritik moun lanse kont li.
Prensès la te refize aksepte plis pase $1 milyon li te sipoze resevwa lè li kite fanmi wayal la.
Mako di li te oblije marye ak Kei Komuro paske "sete yon chwa ki nesesè pou viv pandan n'ap dòlote kè nou."