Premye minis ayisyen an, Ariel Henry, denonse, nan yon entèvyou li bay AFP lendi, yon tantativ asasina kont li, pandan selebrasyon 218è anivèsè endepandans la ki te òganize samdi nan vil Gonayiv.
Ariel Henry responsab jesyon peyi a depi lè yon komando ame te asasine Prezidan Jovenel Moïse dat 7 jiyè 2021.
Kout zam ki tap chante ant lapolis ak gwoup ame samdi pandan selebrasyon fèt nasyonal la nan Gonayiv.
Anba kout zam, Ariel Henry ak plizyè lot ofisyèl ki te prezan yo te oblije chape poul yo, yo kite vil la.
Your browser doesn’t support HTML5
Kout Zam Marye Pandan Vizit PM Ariel Henry nan Gonayiv Pou Joudlan
Nan yon foto biwo PM voye bay AFP, nou wè enpak bal ki vizib sou vit machin blende Premye Minis la.
Nan fen mwa desanm nan, gwoup sitwayen ak manm gang ame nan Gonayiv, te eksprime lanse yon pinga bay Premye Minis la ak ekip li pou l yo pa met pye nan vil la.