Yon koudèy sou sitiyasyon an nan palman ayisyen an montre pa gen koyezyon ant deferan blòk nan Gran Kò a pandan palmantè yo di y ap chache solisyon pou yon kriz enstitisyon an ap konfwonte, kriz ki chita, antwòt, sou bibjè palman an ki pwovoke reyaksyon negatif nan diferan sektè sosyete a. Nap di tou koudèy la montre chak depite ayisyen koute Leta 31 milyon goud, tandiske chak senatè koute Leta 123 milyon goud.
Kriz palmantè sa a genyen sous li nan yon hing-hang ki te pete ant 2 senatè Depatman Sid Es la: Prezidan Sena a, Joseph Lambert, ak Senatè Ricard Pierre. Premye a te lonje dwèt sou 2èm nan poutèt li t ap itilize yon jeneratè (dèlko) Leta pou pwofi pèsonèl li, tandiske 2èm nan te denonse premye a poutèt li te lwe yon 2èm rezidans ki koute Leta 145 mil dola pa mwa.
Nou di “t ap itilize” e “te lwe” paske chakenn nan 2 palmantè yo deja anonse yo pran dispozisyon pou yo korije fo pa yo chak fè a (Sen. Lambert rekonse ak fèmaj kay li tap lwe n ankaptyial la, tandiske Senatè Pierre remèt biwo piblik konsène a biwo li t ap itilize a) avèk espwa aktivite yo nan palman an pral kontiye nòmalman, genyen kòlèg –tankou youn nan senatè Depatman Nippes la, Nènèl Cassis, ki panse tout palmantè nan Chanm Wòt la ta dwe bay demisyon yo akoz yon seri de eskandal ki gen move konsekans sou bon fonksyonnman Gran Kò a.
Pozisyon Senatè Cassis la jwenn apwobasyon kèk dirijan nan sosyete sivil la, tankou dirijan RNDH la, Pierre Espérance, ki apiye opsyon demisyon an blòk la pou evite yon sitiyasyon ki pi grav –sa Msye Espérance rele “le pire”, sètadi “sitiyasyon ki pi grav posib la. Anfen, Heritage Foundation, yon òganizasyon ki gen baz li nan Washington D.C. e ki se yon branch nan Transparence International, sa k ap pase nan palman ayisyen an se yon siyn klè ki montre gen koripsyon nan enstitisyon an e sa pa p sèvi pou amelyore pozisyon Ayiti nan klasman peyi ki mwen kowonpi ak sa ki pi kowonpi nan lemond yo.
Your browser doesn’t support HTML5
Repòtaj Jean-Pierre Leroy sou Sitiyasyon an nan Palman Ayisyen an - Reyaksyon Divès Sektè.
Repòtaj Jean Pierre-Leroy sou Sitiyasyon an nan palman ayisyenn an.