Otorite yo nan Long Island, Nouyòk arete yon sispek an koneksyon ak yon seri asasina ki dewoule an 2010 ak 2011 kote yo patka janm jwenn moun ki responsab la.
Lapolis idantifye l kom Rex Heuermann, yon achitek ki abite an fas lanmè kote yo te jwenn kèk pami kadav yo.
Yo te bay seri asasina sa yo non asasina Gilgo Beach yo.
Se yon responsab lapolis ki pale ak Associated Press Vandredi, ki anonse nouvel la.
Gen 11 kadav ke yo te jwenn ant 2010 ak 2011 sou yon otowout ki rele New York Beach Highway. Krim sa yo te rete yon mistè pou anketè yo.
Pi fò viktim yo sete jèn dam ki tap travay kom jamè dodo.
Mistè a te atire atansyon nasyonal Ozetazini pandan plizyè zane epi sèvi kòm sijè yon film ke Netflix te pibliye an 2020 ki rele "Lost Girls" (kivledi jèn fi pèdi).