6 jen 2017 ap make Prezidan Jovenel Moise 120 jou depi li te prete sèman kòm nouvo chèf deta peyi Dayiti. Mesye Moise, yon òm dafè ki gen anpil eksperyans nan domèn agrikilti ak ekpòtasyon pwodui tankou bannann," Nèg Bannann nan" pwomèt pou mete Ayiti sou ray devlopman.
Pou anpil analis, chèf deta a gen anpil defi devan l. E defi sa yo te deja la plizyè ane avan menm Mesye Moise te rive sou pouvwa. Pami defi sa yo, genyen sitiyasyon moun ki lage san sabri, apre gwo lapli ak inondasyon ki toujou pandye sou tèt peyi a tou patou san konte lavichè, ak chomaj e latriye.
Kòman Popilasyon an nan Nòdès patikilyèman wè eksekisyon plan nouvo gouvènman an pou 120 jou Prezidan Jovenel Moise sou pouvwa a. Korespondan Lavwadlamrik na Fò-libète Jaudelet Junior Saint Vil pote plis detay nan videyo ki anlè tèks la.