Omwen 7 moun pèdi lavi yo Samdi nan peyi d Ayiti apre gang ki kontwole yon banlye nan nò Pòtoprens fiziye ak mitrayèt manifestan kretyen ki tap pwoteste.
Laprès lokal rapòte omwen 10 moun mouri e direktè gwoup dwa moun CARDH la, Gedeon Jean di bilan final la taka pi wo.
Li ajoute plizyè moun te blese epi bandi yo kidnape kèk fidèl legliz.
Videyo ke moun pataje sou rezo sosyal X (ke moun te konnen kom Twitter anvan) montre yon afè 100 moun ki gen mayo jòn ki asosye ak gwoup relije Pastè Marco a ap mache nan banlye ki rele Canaan nan.
Kèk nan moun sa yo te gen baton ak manchèt nan men yo.
Videyo ki pa verifye ki pibliye sou rezo sosyal yo montre bandi ap fiziye moun nan lari, kadav epapiye pasi pala, epi moun ki sanble ak otaj k ap di yo te konprann mach la tapral pasifik e ke yo pat gen okenn ide ke yo tapral konfwonte gang yo.
Anpil Ayisyen antre nan mouvman "Bwa Kale" a, ki se yon mouvman oto-defans ki vize kwape gang yo e ki te bay espwa. Sepandan li vinn deklache zak reprezay kont sivil yo epi ogmante kè sote dèske sa pral ogmante zak vyolans kap dewoule an Ayiti pi plis.