Yon ti pitit ki gen 11 mwa emèveye "netizen" Chinwa yo ak yon videyo ki montre'l ap fè planch a nèj nan yon lye vakans pou ski nan pwovens Chinwa ki rele Hebei la nan no peyi a. Pitit sa a atire anpil atansyon sou entènèt la.
Li rele Wang Yuji e se pa aksidan paran li te jwen ekipman pou fè planch a nèj pou timoun. Se konsa yo te vinn dekouvri pasyon pitit fi yo a, san bliye talan ni pou spo sa a.
Malgre li poko ka mache byen, ti pitit la deja fè snowboarding plizyè fwa.
Nan Lye vakans ski Thaiwoo a moun te ka wè ti bebe a ap glise desann byen alèz sou morn nan pandan lap souri sou snowboard li, epi jwi nan solèy la.
Li pa menm kriye lè li tonbe.
Papa'l di li konsilte anplwaye yo. Morn nan mezire ant 5 ak 8 degre wotè. Li an tout sekirite."
Papa a sèvi ak yon kod pou rale'l monte morn nan.
Kod la bay ti bebe a yon pwoteksyon siplemantè e li sèvi kom fen tou si li pèdi ekilib li oubyen desann morn nan two vit.
Papa a pa gen twop kè sote le ti pitit la desann morn nan poukont li, men genlè li konn tonbe de tanzantan.
"Pa okipe'w" -papa a deklare," li gen yon kaskèt ki pwoteje tèt li si'l tonbe. Pa gen danje. Li toujou ka eseye anko. Li enpotan pou li gen tout ekipman pou pwoteje'l."
Paran ti bebe sa a pa atlèt pwofesyonèl, men paran ti Yuji adore fè spo e yo espere stimile enterè pitit fi yo nan aktivite spotif ak spo nan nèj.
Yo di yo envite yon antrene pwofesyonèl vinn wè talan pitit fi yo a genyen.