Washington te reyaji sou ripti sa a, e li mande pou tout peyi demokratik pou yo "ogmante lyen yo ak Taiwan".
Minis Zafè Etranje Nikaragwan Denis Moncada te di nan yon deklarasyon "Repiblik Pèp Lachin se sèl gouvènman lejitim ki reprezante tout peyi Lachin, e Taiwan se yon pati teritwa Chinwa a" .
Gouvènman Prezidan Daniel Ortega "apati jodi a kraze relasyon diplomatik ak Taiwan epi nou sispann tout relasyon ofisyèl".
Minis Afè Etranjè Taiwanè a te eksprime "regrè " li.
Bò kote pa l, ministè Chinwa a te konfime relasyon diplomatik yo ki te tabli pandan yon rankont ant delegasyon 2 peyi yo nan Tianjin.
Anons sa fet nan yon moman kote Lèzetazini ap pran sanksyon kont Daniel Ortega, ki sot re-eli nan tet peyi Nikaragwa a Novanm 2021 pou yon katriyèm manda youn apre lòt.
Taiwan te kolabore ak Nikaragwa sitou nan domèn sante, agrikilti ak lojman sosyal, e plizyè konpayi taiwanè te etabli nan peyi Nikaragwa depi ane 1990 yo.