Anketè Federal yo mete chaj teworis sou Sayfullo Saipov imigran Uzbek la pou atak ak kamyon nan New York la kote plizyè moun pèdi lavi yo ak plizyè lòt blese. Madi 31 oktòb pase a, Sayfullo Saipov te lwe yon kamyon nan Home Depot epi fonse sou plizyè pasan nan yon ri pou bisiklèt anba lavil Manathan nan New York. Temwen ki te sou plas rapòte jèn nonm 29 van an apre li te fin fè zak la te desann kamyon ak 2 zam nan men li kote li tap rele nan lang Arab pou l di "Bondye pi fò" avan pou lapolis te metrize li
Envestigatè yo te di, mèkredi 1e novanm nan, chofè kamyon lokasyon ki antre sou moun yo nan ri pou bisiklèt yo fè zan la nan non gwoup teworis eta islamik la ISIS.
" Li fè l nan non ISIS," John Miller ki se Polis Depite Vil New York la deklare. Responsab lapolis New York di sispèk a
Sayfullo Saipov, sispèk nan atak ak kamyon nan New York, 31 oktòb 2017 la.
Sayfullo Saipov se yon jèn gason 29 van ki soti nan peyi Uzbekistan; li te rive antre Ozetazini nan ane 2010 yo. Lap pran swen nan yon lopitalapre lapolis te fin mete men sou li. Dapre otorite yo sispèk la se yon senpatizan gwoup teworis la.
Omwen 8 moun mouri e plis pase yon douzèn lòt blese, lè yon nèg te pote boure ak yon kamyon lokasyon sou yon pasaj bisiklèt chaje ak moun nan vil la madi apremidi 31oktòb 2017 la.
Majistra kominal New York la, Bill DiBlasio, bay yon konferans deprès nan menm jounen a, kote li deklare: "Dapre enfòmasyon mwen genyen nan moman an, se yon zak teworis yon lach komèt, paske li te vize sivil inosan.
Bò kote pal, gouvènè New York la Andrew Cuomo pale pou l di: "Se yon atak, yon sèl grenn nèg lanse, paske pa genyen okenn prèv ki montre ensidan an antre nan kad yon konplo pi elaji. Atanta a te dewoule tou pre mozole Worlf Trade Center a anba lavil Manhattan, swa nan zòn kote atak reworis 11 septanm 2001 an te fèt, sa genyen yon 16 lane anviwon.
Dapre enfòmasyon kèk premye temwen ki te sou plas yo te resanse 6 mò nan moman atak la. Lòt temwen te fè kwè, atakan an te gen ta sanble te gen yon zam nan men li kote li te kouri soti nan kamyon an ap rele epi tire kout zam.
Yon fotograf ajans nouvèl Associated Press ki te la tou rapòte, omwen te gen 2 moun ki blayi atè a san yo pat ka fè okenn mouvman. Lapolis nan New York te ekri sou kont Twitter li pou l di yo arete yon sispèk.