Premye Minis Israelyen an, Benjamin Netanyahu toujou ap rekipere lopital apre yon pwosedi medikal dijans. Pandansetan, dè milye manifestan pran lari pou pwoteste ak pou montre sipò yo pou plan li genyen pou l fè gwo refòm nan sistèm jidisyè peyi a anvan yon eleksyon enpòtan.
Ospitalizasyon Netanyahu a, ki rive sanzatann, kote doktè tap mete yon stimilatè kadyak pou kontwole batman kè li, se youn pami yon seri evenman dramatik ki divize Israel.
Yon vot sipoze dewoule nan palman an Lendi pou apwouve yon premye pwojè lwa enpotan ki lye ak plan Netanyahu a ki koze anpil zizani nan peyi a.
Nan yon mesaj videyo li anrejistre lopital, Netanyahu, 73 zan, pat ekate posibilite pou l fè konpwomi ak opozisyon an. Sepandan li di li gen entansyon asiste vòt nan palman an Lendi.