Misye Blinken di gouvènman ameriken an rete an kontak avèk FBI, otorite lapolis yo ann Ayiti, legliz kote misyonè yo sòti a, avèk gouvènman ayisyen an nan kad efò k ap fèt pou jwenn liberasyon otaj yo.
WASHINGTON D.C. —
Sekretè Deta ameriken an, Antony Blinken, k ap fè yon toune aktyèlman nan rejyon Amerik di Sid la, kòmanse virewon sa a madi 19 oktob la nan peyi Ekwatè kote li bay yon konferans poulaprès ansanm avèk kòlèg ekwatoryen li a, Mauricio Montalvo. Youn nan jounalis yo mande Misye Blinken ki dènyè nouvèl li genyen sou sitiyasyon misyonè ameriken gang kidnape ann Ayiti yo.
