Vis-prezidan ameriken an, Mike Pence, twouve l nan peyi Ajantin, pou 2è etap virewon lap fè nan 4 peyi nan rejyon Amerik Latin nan. Apre li kite Kolonbi, Mesye Pence ak tout madanm li te ateri depi lendi swa nan kapital la, Buenozèr.
Vis-prezidan Pence ap eseye rasanble alye Washington yo kont tantativ prezidan venezuelyen an, Nicolas Maduro, ap fè pou l ranfòse pouvwa l e li di Etazini pap kanpe gade efwondreman Venezyela.
Nan yon konferans, lidè ameriken an bay nan kapital la ak Prezidan ajanten an, Mauricio Macri, li mete aksan sou lamizè ki genyen nan Venezuela kote yon pakèt sitwayen peyi sa a ap kouri pati pou al refijye ann Ajantin ak Kolonbi. Vis-prezidan Pence pale de 60 mil refijye venezuelyen ki ta nan peyi Ajantin.
Prezidan Nicolas Maduro bò kote pal, pran angajman pou l konbat Lèzetazini ki dapre li, responsab vag vyolans ki paralize peyi a depi finisman mwa mas pase a. Lidè venezuelyen an fè konnen:
“Pèp la pa pral entimide e li pa fè bèk atè devan pèsonn. Pèp nou an pare pou goumen kont ekstremis, sipremasis ak rasis Etazini yo, e nou pral ranpòte la viktwa sou yo ak kouraj, bravou e fòs ki melanje tout ras, sa ki fè nou fyè kòm venezuelyen, latino-ameriken, bolivyen.