Madonna anonse yon nouvo seri spektak atrave Amerik di Nò a ak Ewòp apati sezon ete a ki pral yon "selebrasyon" hit ikon pòp la - pami yo 38 chante ki te pami 100 chante pi popile Ozetazini magazin Billboard pibliye.
Vire ron an pral pase nan 35 vil e li rele "Madonna: The Celebration Tour".
Li pral komanse 15 Jiye nan stad Rogers Arena nan Vancouver, Kanada. Apre sa li va pase Detroit, Chicago, Nouyok, Miami, Los Angeles, Denver, Atlanta, epi Boston antrot. Denye spektak an Amerik di Nò a se va 7 Oktòb nan Las Vegas.
Apre sa, Madonna va tanmen seri spektak Ewopeyen li yo - kote li va pase Lond, Barselon, Paris, Berlin, Milan ak Stockholm. Seri Ewopeyen an va bout nan vil Amsterdam 1 Desanm.