Lèzetazini deklare Lachin se youn nan peyi kote gen plis trafik moun e kote yo eksplwate travayè pi plis. Lachin vin fè pati peyi tankou Iran, Kore di Nò, Siri, ki sou lis peyi kote yo eksplwate moun.
Sekretè Deta Ameriken Rex Tillerson, gen pou l fè yon anons sou sa madi 27 jen 2017 la, yon sitiyasyon ki lakoz relasyon Washington ak Peken deteyore nan moman Prezidan Donald Trump ap chache kole tèt ansanm ak lidè chinwa a, XI Jimping, nan efò pou fè Kore di Nò kanpe sou pwogram nikleyè li a.
Lidè Chinwa a, Xi Jinping, agoch, kap ri ak Prezidan Ameriken an, Donald Trump nan Mar-a-Lago, Palm Beach, Florid. 6 avril 2017.
Avan nouvèl sa a vin ofisyèl, Minis Afè Etanjè Chiwa a, Lu Kang, te fè konnen Lachin pa dakò pou Etazini pale l mal, e ke Peken gen volonte pou l kowopere nan batay kont eksplwatasyon moun nan mond la.
Semèn pase yo, Prezidan Trump te ekri sou kont Twitter li ke menm kan li apresye efò Lachin pou rezoud konfli nikleyè ak otorite Pyongyang yo, “sa pa mache”
Imigran nan yon kannòt kote yap tann èd pechè Acehnese pou pote yo sekou sou lanmè East Aceh nan Endonezi
Sepandan enfòmasyon yo pa klè sou rezon ki pouse Sekretè Deta Ameriken an Rex Tillerson denigre Lachin nan rapò Depatman Deta ki parèt chak ane a ki gen non anviwon 180 peyi kote moun ap sibi eksplwatasyon moun.