Korespondan nou nan Oganizasyon Nasyon Zini, Margaret Besheer, ki te renkontre avèk pòtpawòl òganizasyon mondya la, Farhan Haq, te kòmanse pa mande l kijan li wè sitiyasyon an ann Ayiti?
R. N ap swiv sitiyasyon an de prè. Pandan tout evennman ki fèk pase yo, Polis Nasyonal d Ayiti demontre li gen pwofesyonalism, leadership ak yon kapasite pou l mentni yon lòd piblik ki solid.
Nou kenbe yon kontak sere avèk otorite ayisyen yo nan nivo apui l’ONU pote bay Polis Nasyonal la atravè inite polis antrene nou yo e nou pral kontinye fè sa. N ap ankouraje tout pati konsène yo ann Ayiti pou yo travay pou dezamòse kriz la gras ak dyalòg e pou yo idantifye solisyon reyalis pou retabli lòd piblik avèk konstitisyon ayisyèn nan kòm bousòl.
K.: Konbyen manm pèsonèl l’ONU an genyen ann Ayiti, e kijan yo ede Polis Nasyonal la?
Logo, senbòl Oganizasyon Nasyon Zini.
Your browser doesn’t support HTML5
Pòtpawòl adjwen l'ONU an, Farhan Haq, sou sitiyasyon an ann Ayiti.
R.- Nou redui efektif la. Alòs, prezans nou se kèk inite polis antrene ki travay esansyèlman kòm konseye pou Polis Nasyonal d Ayiti a. Nou kontinye kowòdone avèk yo pou n wè kijan pou n jere sitiyasyon sekirite a sou teren an yon fason responsab. Nou espere sitiyasyon an va fin pa kalme.
K.-: Nou tande pale de manje, de gazolin (gaz) ki manke akoz manifestasyon yo. Eske l’ONU pral voye asistans?
R.-: Pa gen anyen pou n di pou le moman konsènan plis bezwen imanitè nan peyi a; nou pral evalye sitiyasyon an. Sepandan sa nou espere sè ke peyi a va kapab rejwenn kalm li epi, de la etan, nou va wè ki kote pou n ale...
(Fen Entèvyou).