Otorite vil Houston yo di yo gen entansyon gade videyo, entèvyouwe temwen epi revize pwotokòl ki te an plas pou konsè yo pou detèmine kijan fè 8 moun pèdi lavi yo pandan yon festival mizik kote fanatik yo te sanzatann fonse nan direksyon sèn kote rapè Travis Scott tap chante a.
Responsab vil la di ankèt la nan etap preliminè apre dezòd ki pete Vandredi swa nan Astroworld, yon evenman mizikal ki te sipoze dire 2 jou, ki tap dewoule nan NRG Parik kote tout biyè yo te finn vann byen lontan alavans.
SEE ALSO: Omwens 8 Moun Mouri Nan Dezòd ki Pete Pandan Konsè Rappè Travis Scott nan Houston
Apepre 50,000 moun te asiste konsè a. Viktim yo gen ant laj 14 ak 27 an. Gen 13 moun ki entène lopital pou blesi yo resevwa pandan kouri ki fèt la.
Majistra Sylvester Turner deklare li two bonè pou tire okenn konklizyon pa rapò ak kisa ki te pase mal.
Enfomasyon pou repotaj sa a soti nan Associated Press