Lespay mete men sou premye tit chanpyon mondyal li gras ak yon viktwa 1-0 sou La Oland nan vil Johannesbourg kote final koup dimond lan te dewoule ann Afrik di Sid. Lespay ki tann apil ane pou l ranpòte chanpyona mondyal la, te oblije tann jis 116èm minit jwèt la nan pwolongasyon pou l te make bout gòl viktwa a.
Match la te rete san gòl pandan tout tan règlemantè a, e li te rete 4 minit pou pwolongasyon fini lè atakan espayòl Andres Iniesta te choute yon boul ki pase bò kote gadyen an tankou yon kout zeklè e l al pete filè Oland la.Pou analiz e kòmantè sou match sa a, Lyonel Desmarattes ap pale ak analis spòtif Philippe Jerome nan Orlando, nan eta Florid, tandis ke kwonikè spòtif Carson Clavéusanalize avèk li plizyè aspè koup dimond ane sa a ann Afrik di Sid.
Klike sou ikòn MP3 ki anwo e adwat atik sa a pou w koute yon entèvyou Lyonel Desmarattes.