Larisi deklare li pral sispann tou swit yon antant LONU te ede'l jwenn ak Ikrèn pou ekspòte plis pase 9 milyon tòn sereyal. Antant sa a te lakoz pri manje toupatou nan mond lan te desann.
Ministè Defans Ris la site kom rezon yon swadizan atak ak dwon Ikrèn ta lanse Samdi kont flòt Larisi genyen nan Lanmè Nwa a, e ki akoste bò kote Krime.
Ikrèn demanti li lanse atak la e li di se Ris yo ki fè erè ak pwòp zam pa yo.
Deklrasyon Larisi a vini yon jou apre Sekretè Jeneral LONU, Antonio Guterres te ankouraje Larisi ak Ikrèn renouvle antant sereyal la.
Prezidan Ikrenyen an, Volodymyr Zelenskyy deklare mezi Larisi pran an "pa etonan" e li ajoute ralanti Ris yo lakoz gen 176 bato chache ak sereyal bloke.
Yon lòt responsab Ikrenyen di Larisi ap lanse yon nouvo "jwèt grangou" mondyal.