Otorite eta Joji nan Sid Etazini di lapolis tire e touye yon sispèk nan yon echanj kout zam nan moman kote yo tap eseye mete misye anba kòd pou fiziyad ki te lakòz 4 moun pèdi lavi yo nan zòn Atlanta pandan wiken nan.
Otorite yo di gen yon sharif adjwen ak 2 polisye ki blese Dimanch pandan yo tap eseye arete Andre Longmore, 40 an. Tou le 3 polisye yo gen anpil chans pou yo rekipere de blesi yo.
Otorite yo di yo tire Longmorenan yon banlye Atlanta ak yon distans 24 kilomet ak Atlanta, kote sispèk la te tire 4 moun yo Samdi.
Tout viktim yo te nan 60èn yo e yo te abite nan menm katye a nan Hampton, Jòji, tou pre katye kote Longmore te abite.