Otorite Alman yo di yo arete yon Ameriken an koneksyon ak lanmò yon touris Amerikèn ak atak kont yon lòt tou pre chato Neuschwanstein la nan sid peyi Almay. Yo akize mesye a dèske li pouse 2 medam pou fè yo tonbe nan yon ravin.
Ensidan an, dewoule tou pre yon lye touristik popilè Mèkredi apremidi.
Foto Achiv: Chato Neuschwanstein nan, ki date de 19em syek la nan peyi Almay.
Lapolis fe konnen Jedi ke sispèk la gen 30 an e li te rankontre jen dam yo sou yon chimen moun konn pran pou grenpe yon morn. Yo di li lolo medam yo pou fè yo vinn mache avè l sou wout sa a.
Yo di li "atake fizikman" yon demwazèl ki gen 21 an. Le konpayon li ki gen 22 zan te eseye entèveni, li te toufe li epi pouse l desann nan ravinn nan.
Dapre lapolis asayan an sanble te eseye fè kadejak sou demwazèl ki pi jèn nan anvan li te pouse l desann nan ravin nan. Li di demwazèl la te mouri lopital nan nuit la.