Nan moman mond lan kontinye ap lite kont propagasyon rapid varyan omicron an ak varyan delta a ki toujou ap bay traka, chèchè yo nan peyi la Frans di yo dekouvri yon nouvo varyan.
Ekspè nan Enstitu Enfeksyon Mediterane nan Marseille di yo dekouvri nouvo varyan an nan mwa desanm nan apre yo te egzaminen 12 pasyan ki te abite toupre Marseille. Pami yo te gen premye paysan ki teste pozitif apre yon vwayaj nan peyi Cameroun nan Afrik Santral la.
Chechè fransè yo di yo idantifye 46 chanjman nan nouvo varyan sa a.
Pandansetan yon nouvo etid ki soti Danmark revele omicron pi bon nan evite pwoteksyon ke moun genyen menm si yo vaksinen kont COVID-19. Chechè nan universite Copenhag te fè etid sou 12 mil kadav moun ki mouri ak kowonaviris la e yo dekouvri ke omicron nan te ant 2, 7 ak 3, 7 fwa pi kontajye pase varyan delta a lakay moun nan Danemark ki finn vaksinen yo.