Nouvèl ki soti nan peyi lachin fè konnen 20 timoun chinwa blese nan yon atak ak kout mato yon travayè lanse nan yon lekòl primè nan vil Peken madi 8 janvye 2019 la.
Otorite yo fè konnen la polis arete sispèk la sou sèn atak la. Daprè otorite yo toujou, asayan an te atake elèv lekòl yo poutèt li te fache paske yo pat renouvle kontra travay li nan lekòl la.
Otorite yo di atak ki fèt la a se dènye nan yon seri ensidan efreyan ki rive nan plizyè lekòl nan peyi Lachin nan ane ki pase yo.