Prezidan ameriken an, Joe Biden, mete devan pèp ameriken an, nan jounen madi 21 desanm 2021 an, yon mesaj kote li bay detay sou demach ak dispozisyon administrasyon l nan ap anvizaje pou l ranfòse lit kont Pandemi KOVID-19 la. Lidè ameriken an pale ak piblik la nan moman nouvo varyan kowonaviris la, omikronn, kòmanse gaye seryezman nan mitan popilasyon an.
Nan mesaj Prezidan Biden nan, li lanse apel pou l mande yon efò nan tèt-ansanm pou konbat varyan omikronn nan k ap konplike bagay yo pou sistèm sante peyi a. Pou sa, administrasyon li a pral depeche kèk travayè lasante nan lopital ki manke pèsonèl yo, li pral pre-pozisyone bon kantite stòk medikaman atravè tout peyi a, epi l ap ofri ameriken yo 500 milyon kit pou test KOVID.
Misye Biden bay detay sou plandatak La Mezon Blanch kont pandemi an nan moman kantite nouvo ka KOVID-19 yo ogmante seryezman nan peyi a, alòske mil 143 mil moun mouri nan sèl jounen lendi 20 desanm nan –sa ki se yon kantite rekò. Preske 3 ka nouvo ka yo anrejistre nan peyi a se moun ki trape varyan omikwonn nan.
Klike sou video ki pi ba a pou w gen plis detay avèk Lyonel Desmarattes.
Your browser doesn’t support HTML5
Jen Psaki anonse sijè Prezidan Biden ta pral devlope nan mesaj li a.