Prezidan Etazini Donald Trump telefone ankò etan nan Mezon Blanch youn apre lòt lidè peyi Japon ak Lachin pou yo pale sou pwoblèm li gen ak Kore di Nò.
Yon kout telefòn 30 minit ant Mesye Trump ak Premye Minis Japonè a, Shinzo Abe, se te pou ogmante presyon sou Pyongyang pou l pa angaje l nan plis zak pwovokasyon, men apèl la se pa akoz yon gwo chanjman ki ta fèt nan sityasyon an, dapre otorite yo nan Tokyo.
"Nou te dakò pou nou mande Kore di Nò, kap repete pwovokasyon li a, pou l mete dlo nan diven li," se konsa Mesye Abe te pale ak repòtè yo lendi 24 april 2017 la nan Tokyo.
Mesye Abe fè konnen li menm ak Prezidan Trump dakò ke Lachin dwe jwe yon pi gwo wòl nan kesyon Kore di Nò a.