Gen 2 konpayi telefòn an Ayiti ki di yo konstate yon moun koupe fil fib optik yo semèn pase a, sa ki te kite kliyan yo san okenn sèvis telefòn pwovizwaman.
Yo sispèk gang yo responsab pou enteripsyon sa yo, ke yo konsidere tankou yon zak sabotaj.
Digicel Haiti di yo koupe youn nan kab li yo Jedi nan kominote Martissant an, tou pre Pòtoprens, yon zon gang kap goumen yo sèvi kòm baz.
Koupi kab la afekte kliyan Digicel yo nan rejyon wès Ayiti.
Pandansetan, Access Haiti di yo koupe kèk pami kab fib optik pa li yo Lendi nan sa limenm tou dekri tankou yon zak "sabotaj".