Lapolis nan peyi Malezi anonse yo mete anba kòd 2 medam, an rapò ak zak asasinay ki fèt sou Kim Jong Nam, yon demi-frè lidè Kore di Nò a, Kim Jong Un.
Yo te mete men 16 fevriye a vè 2 zè di maten sou yon dam ki gen yon paspò peyi Endonezi.
Anvan sa, lapolis te anonse, mèkredi maten 15 fevriye 2017, arestasyon yon dam ki gen paspò kòm moun peyi Vyetnam ki idantifye l kòm Doan Thi Huong. Arestasyon sa a te fèt nan aewopò Entènasyonal Kuala Lumpur nan kapital peyi Malezi .
Otorite lapolis nan Malezi te idantifye viktim nan kòmkwa se Kim Jong Nam, gran demi-frè lidè Kore di Nò a. Demi-frè lidè Kore di Nò a te nan liy nan yon epòk pou l tounen chèf deta, men li te vin an disgras devan papa yo, Kim Jong Il, apre li te chache antre nan peyi Japon ak yon fo paspò pou l vizite Disney Land an 2001.
Sous sèvis espyonaj palmantè Kore di Sid yo ak gouvènmam ameriken an di yo kwè asasen an soti nan Kore di Nò.