Kandida a la prezidans ki pedi nan eleksyon Kenya a, Raila Odina depoze yon dokiman nan Kou Siprem peyi a kote li defye rezilta eleksyon semen pase a.
Misye deklare te gen koken nan eleksyon an e ke Kou Siprem nan ta dwe anile rezilta a epi òganize yon nouvo vòt.
Akizasyon an tanmen yon peryod 14 jou kote tribinal la va oblije pwononse yon desizyon.
Vis Prezidan William Ruto se moun yo deklare ranpote eleksyon 9 OUt la.
Eleksyon an dewoule nan lape men te vinn gen dezòd nan denye minit final yo tou jis anvan deklarasyon komisyon elektoral la. Matye manm komisyon an te kraze rak epi majorite manm komisyon an te di yo paka apiye rezilta a.
Petisyon Odinga a vize patikilyèman direktè komisyon an.