SANTIAGO —
O Chili, ansyen lidè etidyan Gabriel Boric ap fè fas ak anpil presyon bò kote jenès ki te apiye'l nan eleksyon an pou'l kenbe pwomès li te fè pou refè peyi Chili. Se misye ki ranpòte dezyèm tou eleksyon prezidansyèl la yè Dimanch la.
Boric ranpòte 56% vwa yo, pou'l bat palmantè ekstrèm dwat José Antonio Kast. Boric, ki gen 35 an te sèmante pou'l "antere" modèl ekonomik neyoliberal diktatè Jeneral Augusto Pinochet (1973-1990) te kite dèyè a.
Boris sèmante pou'l monte yon gouvènman enklisiv ki pral atake lamizè ak inegalite, ke li blame pou move sityasyon mache lib la.
Misye di tou li pral ogmante taks yo pou "gwo boujwa yo" pou li ka ogmante sèvis sosyal yo, konbat inegalite epi pwoteje anviwonman an.