Ann Ayiti: Kou Siperyè Pouvwa Jidisyè a (CSJP) pwoteste kont deklarasyon prezidan Jovenel Moise fè nan vil Pari, nan peyi Lafrans, sou nominasyon 50 jij nan sistèm jistis la. Daprè Prezidan an, pèsonaltie ki benefisye de pwomosyon sa yo “ta mele nan zak koripsyon.” Nan yon konferans pou laprès Mèt Max Elibert, reprezantan Kou Dapèl nan CSPJ bay nan Pòtoprens, li demanti Prezidan Moise ki fè konnen li te resevwa presyon pou l isyen nominasyon jij yo.
Yon lòt kote, dirijan Inisyativ Sosyete Sivil la, Pwofesè Rhosny Desroches, mande ministè finans la fè Konsèy Siperyè Pouvwa Jidisyè a jwenn mwayen ki nesesè pou l byen jwe wòl li. Misye Desroches di si Prezidan Jovenel Moise ap konbat koripsyon toutbon, li lè pou l kite lapawòl epi pase nan aksyon.
Pwofesè Rhony Desroches, dirijan Inisyativ Sosyete Sivil la
Klike sou lyen anba a pou w koute apèl Pwofesè Desrochess la.
Your browser doesn’t support HTML5
Apèl Pwofesè Rhony Dessoches pou Prezidan Jovenel Moise sou Lit kont Koripsyon an.