Nan Irak, plizyè jeneral nan lame peyi a fè konnen lefèt ke mikitan gwoup eta islamik yo detwi moske anblematik Al-Nuri vil Mosoul la, enbe sa montre pouvwa gwoup teworis la genyen nan vil la ap pare pou l rive nan bout li.
Sòlda irakyen nan vil Mosoul di Lavwadlamerik gwoup militant yo te vle detwi moske a davans swa anvan viktwa kowalisyon militè Lèzetazni ap dirije pral ranpòte sou yo a. Fòs irakyen yo ap debouye yo kout mèt jan jak pou kwape gwoup teworis la nan dènye bastyon li posede nan vil la.
Kòmandan fòs espesyal irakyen yo nan Mosoul, Lyetnan Jeneral Abdul Ghani Al-Assadi, pale pou di: “Kòm nou kapab konstate fòs nou yo simonte kèk gwo rezistans isit la, e nou kapab wè kijan yo te goumen san pran souf. Li difisil pou moun fè ale-vni nan ti vil sa a.
Moske Al-Nuri vil Mosoul la egziste nan zòn nan depi epòk mwayennaj la, swa doi plis pase 800 zan.