Otorite Ikrenyen yo rejte ak tout fòs yo yon demann La Risi fè pou twoup yo nan Mariupol depoze lèzam epi leve drapo blan ann echanj pou sof kondwi.
Twoup Ris yo ansèkle vil la e yap lapide vil potyè estratejik la, ki sitye nan sid peyi a ak kout zam.
Yon gason mache nan apatman li ki finn winen apre yon atak Ris sou vil Kyev, kapital Ikren, Lendi 21 Mas, 2022.
Otorite Ikrenyen yo di lame Ris la frape yon lekòl atistik kote 400 moun te pran abri, kèk hè d tan sèlman anvan yo te ofri pou louvri 2 koridò pou moun pati kite Mariupol ann echanj pou kapitilasyon defansè li yo.
Nan lot rejyon ofansiv Ris la gen pwoblèm. Analis gouvènman Oksidantal yo di konfli a komanse gen konsekans pou lame a. Gen obi ki frape yon sant acha nan Kyèv pandan twoup Ris yo ap travay pou yo ansèkle kapital Ikrenyèn nan.