Fondasyon YODAY kap evre nan domèn sosyal distribye pla cho ak materyèl eskolè tankou plim ak kaye bay plis pase yon senkantèn timoun, pami yo òfelen nan katye Pravill ki sitye nan zòn Nòdès, site endependans la. YODAY fè distribisyon sa a nan okazyon selebrasyon 8èm anivèsè l samdi 28 oktòb 2017 la.
Selon prezidan fondasyon an, Guerrier Lyvens, aktivite sa yo antre nan kad jefò fondasyon an ap fè pou akonpanye timoun defavorize nan katye popile yo.
Responsab Fondasyon YODAY a anonse yap travay pou pran an chaj edikasyon timoun sa yo apati pwochenn ane akademnik la.