Minis Afè Etranjè ayisyen an Bocchit Edmond bay sekretè Jeneral Oganizasyon Entènasyonal Francofoni a Michaelle Jean garanti gouvènman ap sipòte efò l ap fè pou l jwenn yon lòt manda nan tèt òganizasyon an. Eleksyon sa a ap dewoule nan okazyon somè ki pral dewoule nan Armeni soti 6 pou rive 12 Oktòb. Prezidan Jovenel Moise ap nan tèt yon delegasyon ki pral patisipe nan somè a.
Ministè Sosyal anonse gouvènman an ap pibliye griy salè minimòm nan pou diferan sektè. Salè a ap efektif apati de 1 oktòb 2018 la.
Anbasadè Inyon Ewòp la, Vicent Degert rankontre Premye Minis Jean Henry Ceant pou diskite kolaborasyon ant Inyon Ewòp la ak Ayiti. Dyalòg politik, bidjè 2019-2019 ak sijè te fè pati kalandriye diskisyon yo.
Minis Kilti ayisyen an Jean Michel Lapin fè chita pale ak anbasadè ameriken an Michele J Sison pou diskite kowoperasyon kiltirèl ant 2 peyi yo.
Ayiti sot patisipe nan 2èm konferans rejyonal pwomosyon touristik nan Nassau Bahamas soti 1 pou rive 2 oktòb. Tèm konferans la se Rajeunir, Reconnecter, Recreer nouvelles directions pou touris Karayib la. Se te kèk nan prensipal pwen k ap domine aktyalite ke la près pibliye