Dènye group solda 26èm kontenjan breziliyan nan Misyon Stabilizasyon Nasyon Zini an kite Ayiti lendi 25 septanm nan. Depa sa a antre nan kad rezolisyon 3520 l ONU an ki fiksè retrè pwogresif MINUSTAH nan peyi a ki ap bout 15 oktob.
Anbasadè brezilyen an ann Ayiti, Fernando Vidal, di Lavwadlamerik Brezil pral kontinye kowopere avek gouvènman ayisyen an nan kad MINUJUSTH la, (Nouvèl misyon Nasyon Zini pou Apiye e Ranfòse Sistèm Jidisyè Ayisyen an.)
Anbasadè brezilyen an ann Ayiti, Frenando Vidal, ki presize Brezil pral kowopere tou avek Ayiti nan kad kowoperasyon pou ranfòsman Lapolis ak fòmasyon nan jeni militè.
Sòlda MINISTAH yo te rive ann Ayiti nan lane 2004 apre yon soulèvman ame te fòse prezidan alepòk la Jean Bertrand Aristide kite peyi a. Se youn nan kontenjan militè l ONU yo ki te soti nan peyi Nepal ki te pote maladi Kolera a ann Ayiti, yon epidemi ki deja touye plizyè milye ayisyen. Lòt nouvèl fè konnen tou kontenjan l ONU yo reposab plizyè ka abi seksyèl nan peyi, yon akizasyon anbasadè brezilyen ann Ayiti te rejete nan yon etèvyou li te bay Lavwadlamerik.
Yon tribinal nan New York ki te resevwa demand pou l tande doleyans militan kap defann dwa viktim Kolera yo te rejte ka sou baz ke l ONU, Òganizasyon Nasyon Zini benefisye iminite diplomatik nan tout peyi kote lap opere.