Lapli kap tonbe depi plizyè jou nan depatman Nòdwès peyi Dayiti pwovoke glisman teren nan lokalite Demelis, yon katye popilè vil Pòdepè kote yon manman, Exane Etienne, 38 tan ak yon pitit fi li Danelove Placide, 4 tran rive pèdi lavi yo.
Jij de pè sipleyan nan Tribinal Pòdepè a, Paul Blanc, ki te vin fè konda kadav yo, di li regrèt fason kretyen vivan sa yo rive pèdi lavi yo. An menm tan tou, li mande popilasyon an pou sispann konstri kay nan yon seri de zòn ki pa fè pou sa.
Otorite jidisyè adi tou li swete lete pran responsabilite li an men pou deloje moun kap viv nan zòn a risk yo. Apre konsta legal viktim yo, jij la òdone pou leve kadav yo epi al depoze yo nan mòg.
Klike sou lyen odyo a pou w tande yon repòtaj Dieuseul Junior Louis depi Pòdepè.
Your browser doesn’t support HTML5
Yon repòtaj korespondan Lavwadlamerik Dieuseul Junior Louis depi Pòdepè