Avoka Guy Philippe la, Mèt Louicher Jean Joseph di VOA Kreyòl, ex-senatè a, ke Sèvis Imigrasyon ak Ladwann Etazini (ICE) kenbe nan yon sant detansyon, deside vag sou grèv grangou li tapral fè a.
Avoka a di VOA Guy Philippe resevwa yon fèy de wout pou vwayaje de Etazini a peyi d Ayiti, sepandan ICE poko lage li.
Men esplikasyon ICE te bay lè nou te mande si èx-senatè a nan men yo.
“31 Oktòb 1999, sitwayen Ayisyen Guy Philippe, 55 an te antre Ozetazini legalman, men li te vyole kondisyon antre li Ozetazini apre yon tribinal te kondane li pou 2 chèf akizasyon pou konplo pou fè blanchiman lajan. Ajan imigrasyon ak Ladwann ICE te kontre avè l nan prizon Etazini nan Atlanta e yo te pran l an chaj 7 Septanm 2023. ICE pral kenbe li juskaske li konplete pwosesis imigrasyon li" pòt pawòl ICE la di VOA.
VOA Kreyòl ap chache plis enfomasyon sou dosye sa a.