MIAMI —
Gad Kòt Etazini debarase l de $186 milyon kokayin nan Miami ke li sezi nan dlo entènasyonal Karayib la ak Oseyan Atlantik la.
Gad Kòt fè konnen nan yon nòt pou laprès ke li entèsepte plis pase 6,400 kilogram kokayin nan 9 ka separe.
Foto Achiv: Bato Gad Kot Etazini Bernard C. Webber kite baz li nan Miami Beach, Florid, 19 Jiye, 2021.
Yo arete 12 trafikan dwòg sispèk ke yo akize de plizyè krim, dapre Gad Kòt la.
Yo te transpòte dwòg sa yo Miami Vandredi.
Elikoptè Gad Kòt la ak bato ansanm ak avyon Gad Fwontyè ak La Dwann te patisipe nan operasyon pou sezi dwòg yo epi arete sispèk yo.