Ansyen prezidan Mali, Ibrahim Boubacar Keita mouri 18 mwa apre lame a te ranvèse li nan yon kou deta. Li te gen 76 zan. Yo anonse nouvèl sou lanmò Keita a Dimanch nan Bamako. Li te fè fas ak plizye pwoblèm sante pandan ane ki sot pase yo.
Misye te ranpòte eleksyon prezidansyèl istorik ane 2013 a pou restore demokrasi nan peyi a apre yon kou d'eta an 2012. Sepandan 7 an pi ta, li te pèdi pouvwa a nan yon koudeta militè apre plizyè mwa manifestasyon popilè kont prezidans li a.
Medya leta yo anonse lanmò a nan pwogram Dimanch yo. Nouvèl la vini nan moman kote peyi Afriken sa a ap fè fas ak yon gwo kriz politik kap vinn pi grav chak jou. Lidè koudeta ki te chavire gouvènman Keita a pa gen okenn plan pou kounyea pou'l re-enstale yon gouvènman demokratik, malgre se sa li te pwomèt pou'l fè nan komansman.