Pòt pawòl la fè deklarasyon sa a pa rapò ak kestyon VOA Kreyòl te mande sou reyaksyon administrasyon Biden nan fas ak atik ki parèt nan jounal New York Times lendi apremidi, ki di kom kwa gen nouvo enfòmasyon ki endike Premye Minis Ariel Henry te gen relasyon sere ak youn nan sispèk nan asasina a, an palan de Joseph Felix Badio, e ke misye te vizite rezidans ofisyèl premye minis la 2 fwa, 4 mwa apre asasina a, nan moman te gen yon avi rechèch pou li.
SEE ALSO: New York Times: Badio Vizite Rezidans Ofisyèl PM Ariel Henry 2 Fwa
"Nou vle wè moun ki te planifye, finanse, epi touye Prezidan Moise konparèt devan lajistis. Pèp Ayisyen an merite yon pwosesis ki transparan ak yon rezolisyon nan ankèt sa a pou montre koupab yo ke krim lach konsa paka chape anbe men lajistis."
Pot pawòl la ajoute "Nou ankouraje tout pati yo respekte pwosesis (legal la) ann akò ak la lwa."
Korespondan VOA nan Depatman d'Eta, Nike Ching kontribye a repotaj sa a