Sekretè defans peyi Etazini an, Ash Carter ak prezidan Tiki a, Recep Tayyip Erdogan, diskite jodi vandredi 21 oktòb la sou nesesite pou ranfòse koperasyon militè ant 2 peyi yo nan kad kanpay pou elimine gwoup miltan Eta Islamik la.
Mesye Carter rive jodi a nan kapital Tik la, Ankara, kote li rankontre ak prezidan Erdogan e plizyè lòt otorite politik epi responsab nan depatman defans peyi a.
Pantagòn publiye yon komunike pou l di: " 2 lidè yo dakò pou yo rete an kontak tout tan epi mentni yon kòdinasyon sere, sere, dekwa pou gwoup Eta Islamik la kapab subi yon defèt dirab nan men kowalisyon an."